曾經在YOUTUBE,看見QQ介紹此瘦身飲品己對他有興趣,早前屈XX已經有得賣了.
研究一番後發覺佢係集醫學及營養學於一身,簡介上寫到產品是屬天然產品,心諗應該冇咩既,但小丸子我係出名左思右想既人,同事同我一齊研究下覺得不錯,於是搶先我一步購買了.
同事試後兩日,感覺味道不錯,於是倒了一小杯給我,試飲下有小小澀,但味道不錯.當天晚上便有效果了,少少心動下就買左返黎試了.
屈XX HKD 249 / 盒 2件有88折
仲有Set 裝買,set裝有個水樽送,感覺抵少少...(但後來發覺水樽係用不上架)
Topslim 瘦身輕燃飲,有兩種味道一種係蔓越莓,另一種就係依家介紹既蜜桃味,兩種口味我會選擇桃味,其一set裝唔知點解桃味平d,其二蔓越莓味道有少少似藥水或某種唔好味既果汁類飲品.相對地桃味就好似一般桃茶味道咁,甜甜地,味道不錯的,天天飲都不會感到厭煩,好快就會適應.
如何令到喱個瘦身茶好飲呢?小丸子有個小小既發現,就係用.....
冇錯就地係用Bonaqua沖黎飲啦!(本產品係絕對唔可以用熱水沖)只要剪開一包倒落去佢就會自動熔解了.
點解話用BONAQUA沖會好飲d呢?原因係唔知點解用家裹煲既水沖出黎會有少少苦澀味,而bonaqua則完全沒有,仲令味道變得甜甜地非常容易入口.不過記住係買700ml既分量啊!至於用佢set裝2000ml既分量沖出黎係無苦澀味既...不過就變到淡而無味.如果閣下喜歡淡淡地無味既...都可以買set裝既...因為每日買一枝水都唔平架!香港地依家買枝水都要HKD 6.9架!貴啊!
功效:
講下自身既問題先...其實我就唔係話好肥要用減肥茶黎瘦身既,只要食少d澱粉類食物,做下運動都會瘦返落黎!咁點解我仲要飲呢?
小丸子我長年去廁所都去得唔太順暢的,曾經試過好多方法但效果都唔好. 平時上網見到好多可以去得出廁所既方法,係無錯有d真係好見效,但換黎既係肚脹既問題,我肚脹脹到曾經試過腰圍去到30幾以上,相當的誇張,有好多既飲品我都有試過,係去到但全部都唔係健康既便便,而且去極到好似未去得完,有便秘既朋友,應該會明白小丸子所講既感覺,相當的痛苦啊!
直到遇上佢,我唔可以話佢100% work,但只可以講飲左佢後,我既便便每日都有,而且係正常既便便,最重要既問題係我冇肚脹,而且飲到今日我已經飲左半個月,目前為止無任何既不適,肚仔都真係平左好多!依家每次去廁所都順暢左好多啊!!
飲用既疑惑:
有樣野我一直都覺得好奇怪架!佢話係幫助燃燒脂肪,但飲左佢後成日都好肚餓啊!我唔係一個大食既女仔,但飲左後成日都可以食哂一碗飯架!咁姐係有冇瘦到啊?
好老實講..我唔知道!但我可以好肯定佢係一個去廁所既好幫手...效果都唔錯架!我會繼續飲落去,因為佢效果都幾唔錯架! 係一個值得試試既產品:)
(以上內容純粹個人意見,產品出自自身銀包)
留言列表
